Tramp Putinlə görüşündə müzakirə ediləcək məsələlərdən danışıb

Bakı. 30 iyun. REPORT.AZ/ ABŞ prezidenti Donald Tramp Rusiya Federasiyasının dövlət başçısı Vladimir Putinlə görüşündə müzakirə ediləcək məsələlərdən danışıb.

"Report"un məlumatına görə, bu barədə "Reuters" xəbər verib.

Ağ Ev rəhbəri bildirib ki, o, rusiyalı həmkarı ilə Suriyada və Ukraynada yaranmış vəziyyəti, həmçinin 2016-cı ildə Amerikada keçirilmiş seçkilərə Rusiyanın müdaxiləsi məsələlərini müzakirə etmək niyyətindədir.

"Ukrayna, Suriya, seçkilər...Biz istəmirik ki, kimsə seçkilərimizə müdaxilə etsin" – deyə Tramp bildirib.

Qeyd edək ki, Putinlə Trampın görüşü Helsinkidə, iyulun 16-da keçiriləcək. Dövlət başçıları görüşdə ikitərəfli münasibətlərin inkişafı və beynəlxalq, aktual məsələləri qaldırmaq niyyətindədirlər.