Azərbaycanda dəmir yolu ilə yükdaşımaların həcmi 12 milyon tondan çox olub

Bu ilin yanvar-avqust aylarında Azərbaycanda dəmir yolu nəqliyyatı ilə yük daşımaları 12 milyon 129,1 min ton təşkil edib.

"Report" bu barədə Dövlət Statistika Komitəsinə istinadən xəbər verir.

Bu, ötən ilin eyni dövrü ilə müqayisədə 972,3 min ton və ya 8,7 % çoxdur.

2026-ci ilin yanvar-avqust ayları ərzində Azərbaycanda nəqliyyat sektorunda fəaliyyət göstərən təsərrüfat subyektləri 162 milyon 739,4 min ton yük daşıyıb. Azərbaycanda ümumi yük daşımaların 7,5 %-i dəmir yolunun payına düşüb.

Hesabat dövründə nəqliyyat və anbar təsərrüfatı sektorunda 10 milyon 931,9 min manat məbləğində və ya ötən ilin eyni dövrü ilə müqayisədə real ifadədə 8,7 % çox gəlir əldə edilib.