Hacıqabulda minik avtomobili yük maşınına çırpılıb, xəsarət alanlar var

Hacıqabul rayonunda minik avtomobili və yük maşınının iştirakı ilə baş vermiş yol-nəqliyyat hadisəsində iki nəfər yaralanıb.

“Report”un Aran bürosunun məlumatına görə, hadisə Bakı-Qazax magistralının rayonun Pirsaat kəndi ərazisindən keçən hissəsində qeydə alınıb.

Belə ki, hərəkətdə olan minik avtomobili qarşıda gedən “KamAZ” markalı yük maşınının arxa hissəsinə çırpılıb.

Qəza nəticəsində minik avtomobilində olan Bakının Qaradağ rayon sakini 1998-ci il təvəllüdlü Allahverdiyev Bayram Araz oğlu və Ağstafa rayon sakini 1999-cu il təvəllüdlü Əhmədov Əhməd Arif oğlu müxtəlif dərəcəli xəsarətlər alıblar.

Yaralılar Şirvan Şəhər Mərkəzi Xəstəxanasına çatdırılıb.

Faktla bağlı araşdırma aparılır.