Səudiyyə kralı Qətər əmirini Körfəz ölkələrinin sammitinə dəvət edib

Bakı. 5 dekabr. REPORT.AZ/ Qətər əmiri Təmim bin Hamad əl Tani Səudiyyə Ərəbistanı kralı Salman Əbdül Əziz əs-Səuddan diplomatik ələqələrin kəsilməsinə baxmayaraq, Körfəz Ərəb Dövlətlərinin Əməkdaşlıq Şurasının dekabrın 9-da Ər-Riyadda keçiriləcək sammitinə dəvət alıb.

“Report” RİA "Novosti"yə istinadən xəbər verir ki, bu barədə məlumatı çərşənbə axşamı Qətər xəbər agentliyi yayıb.

Əmirin bu dəvəti qəbul edib-etmədiyi barədə məlumat verilmir. Lakin bir müddət əvvəl Qətər hökumətinin media ofisinin nümayəndəsi bildirib ki, Doha qonşularla yaranmış istənilən fikir ayrılığının həlli üçün həmişə açıq etimad dialoquna çağırıb.

Bundan əvvəl Qətərin 2019-cu ildə OPEC-dən çıxacağı bəyan edib.