Polşada məktəbə hücum nəticəsində ölən və yaralananlar var

Polşada Vışkuv yaxınlığında (Mazoviya voyvodalığı) ibtidai məktəbə hücum nəticəsində 37 yaşlı təmizlikçi qadın həlak olub.

"Report" xəbər verir ki, bu barədə Polşa mediası xəbər verir.

Polisin mətbuat xidmətində bildirilib ki, məktəbin keçmiş şagirdi binaya daxil olaraq üç nəfəri - müəllimi, direktoru və təmizlikçi qadını yaralayıb. Ehtimala görə, direktor hücumçunu zərərsizləşdirib. Cinayətkar polis tərəfindən həbs edilib.

Həkimlərin səylərinə baxmayaraq, qadını xilas etmək mümkün olmayıb. Müəllim xəstəxanaya yerləşdirilib.

Kritik vəziyyətdə olan zərərçəkmişlərdən birinə reanimasiya tədbirləri tətbiq olunur.

Məktəblərdə hücum hallarının çoxalması ilə əlaqədar Baş nazir Donald Tusk bu gün daxili işlər və administrasiya, rəqəmsallaşdırma, milli təhsil və səhiyyə nazirlərinin, eləcə də xüsusi xidmət orqanlarının koordinatoru və baş polis komendantının iştirakı ilə təcili iclas çağırıb.

Bu gün verilən məlumata görə, daha əvvəl Polşanın Serpts şəhərində polis məktəbə hücumun qarşısını alıb, 17 yaşlı gənc saxlanılıb.