Bakı 15° C
ABŞ İmmiqrasiya Xidmətinin əməkdaşları Nyu-Yorkda yaxalama zamanı bir kişini yaralayıblar
- 09 oktyabr, 2026
- 06:34
Yeniliklərdən dərhal xəbərdar olun!
ABŞ-nin İmmiqrasiya və Gömrük Xidmətinin (ICE) əməkdaşları Nyu-Yorkun Bronks şəhərində atəş açaraq axtarışda olan bir kişini yaralayıblar. Hadisə zamanı iki ICE agenti də yaralanıb.
"Report"un CNN-ə istinadən məlumatına görə, bu barədə hadisənin başvermə şəraiti ilə tanış olan mənbələr bildiriblər.
Onların sözlərinə görə, hadisə yerli vaxtla saat 16:00-dan sonra ICE əməkdaşları axtardıqları kişi ilə qarşılaşanda baş verib. Onu saxlamaq cəhdi zamanı atəş açılıb.
Yaralı xəstəxanaya aparılıb. Onun huşu özündədir və həyati təhlükəsi yoxdur. ICE-nin iki yaralı əməkdaşı da xəstəxanaya yerləşdirilib.
Nyu-York polisi sosial mediada Bronksdakı atışmanı təsdiqləyib, lakin immiqrasiya əməkdaşlarının hadisədə iştirak edib-etmədiyini dəqiqləşdirməyib.
