Azərbaycan Gürcüstana mis filizlərinin satışını bərpa edib

2024-cü ildə Azərbaycan 2,1 milyon ABŞ dolları dəyərində 1 221 ton mis filizi və konsentratı ixrac edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2023-cü ilin göstəricisindən dəyər ifadəsində 89 %, kəmiyyət olaraq – 93 % azdır.

Hesabat dövründə Azərbaycan İsveçrəyə 1,7 milyon ABŞ dolları dəyərində (bir il əvvəlki göstəricidən 41 % azdır) 821,9 ton (-54 %), Gürcüstana 399,2 min ABŞ dolları dəyərində 398,5 ton və Türkiyəyə 0,02 min ABŞ dolları dəyərində (-99,9 %) 0,1 ton (-99,9 %) məhsul satıb.

Azərbaycan 6 il 11 aylıq fasilənin ardından Gürcüstana tədarükü bərpa edib.