Biləsuvarda yem bitkilərinin məhsuldarlığında bu il azalma olub

Bu il Biləsuvar rayonunda yem bitkilərinin məhsuldarlığında azalma qeydə alınıb.

"Report"un Muğan bürosunun məlumatına görə, cari il ərzində 7 593,6 hektar sahədə yem bitkiləri becərilib.

Sahələrdən 72 406 ton məhsul əldə olunub.

Qeyd edək ki, ötən il bu rəqəm 80 457,95 ton olub və rayon ərazisində 7 467,67 hektar sahədə yem bitkiləri becərilib.