Tayvan təmsilçisi: “Son illərdə Azərbaycanla ticarət əlaqələrimiz əhəmiyyətli dərəcədə artıb”

“Azərbaycandan çox uzaq olsaq da, ticarət əlaqələrimiz uzun illərdir davam edir”.

Bunu Tayvan Çin Respublikasının Türkiyənin Ankaradakı Taypey İqtisadi və Mədəniyyət Missiyasının nümayəndəsi Çih-Yanq Huanq “Report”un Ankara bürosuna müsahibəsində bildirib.

Diplomat deyib ki, Tayvanla Azərbaycanın rəsmi diplomatik əlaqələri olmasa da, iki ölkə arasında ticarət əlaqələri mövcuddur:

“Əlaqələrimiz uzun illərdir ki, davam edir. Son illərdə Tayvanla Azərbaycan arasında ticarət həcmlərində əhəmiyyətli artım olub. Biz ümid edirik ki, iki ölkə arasında iqtisadiyyat, mədəniyyət, təhsil, turizm, enerji və neft-kimya sahələrində daha dərin ikitərəfli mübadilələri gücləndirməyə davam edəcəyik. Əməksevərlik, mehribanlıq, səmimiyyət kimi xarakterlər biz çinlilərlə azərbaycanlıların ortaq dəyəridir. Coğrafi baxımdan bir-birimizdən çox uzaq olsaq da, qəlbimiz yaxındır. Biz Türkiyədə olduğu kimi Azərbaycanda da müvafiq nümayəndəliyinin olmasını istəyirik. Belə olarsa, mübadilələrimizi və əməkdaşlığımızı gücləndirmək və genişləndirmək üçün birlikdə çalışarıq”.

Çih-Yanq Huanqın geniş müsahibəsini buradan oxuya bilərsiniz.