Qebreyesus ÜST-ün Azərbaycan nümayəndəliyi ilə əməkdaşlıq perspektivlərini müzakirə edib

Ümumdünya Səhiyyə Təşkilatının (ÜST) rəhbəri Tedros Adhanom Qebreyesus ÜST-ün Azərbaycandakı nümayəndələri ilə təşkilatın üzləşdiyi çağırışları və imkanları müzakirə edib.

"Report" xəbər verir ki, bu barədə ÜST rəhbəri "X" sosial şəbəkəsindəki hesabında paylaşım edib.

"İşimdə ən çox sevdiyim şeylərdən biri - bütün dünyadakı ÜST həmkarları ilə görüşmək, onları dinləmək, onların təcrübəsindən öyrənmək və ideyaları ilə tanış olmaqdır. Təşkilatın Azərbaycandakı komandası ilə görüşmək, onların "HealthForAll" (Hamı üçün sağlamlıq) proqramı istiqamətində əldə etdikləri irəliləyişləri, ideyalarını dinləmək və təşkilat olaraq qarşılaşdığımız çağırışlar və imkanlarla bağlı açıq danışmaq imkanım oldu", - o yazıb.

One of the things I enjoy most about my work is meeting @WHO colleagues around the world, listening to them, learning from their experiences, and hearing their ideas.

Last Friday, on Ethiopian New Year, I had the pleasure of meeting our @WHO Azerbaijan team, hearing about the… pic.twitter.com/VaqzIKFkvB

— Tedros Adhanom Ghebreyesus (@DrTedros) September 14, 2026