Nursultan Nazarbayev: "Xəzərlə bağlı bütün məsələlər razılaşdırılıb"

Bakı. 11 avqust. REPORT.AZ/ "Dövlətlərin Xəzər dənizində əməkdaşlığı ilə bağlı məsələlər razılaşdırılıb, sabah tarixi qərar qəbul ediləcək".

"Report" "RİA Novosti"yə istinadən xəbər verir ki, bunu Qazaxıstan prezidenti Nursultan Nazarbayev bəyan edib.

"İyirmi il ərzində biz asan olmayan danışıqlar apardıq, Xəzər dənizində birgə işimizlə bağlı mövqelərimizi razılaşdırdıq. Bu, dəniz gəmiçililiyi, Xəzər dənizinin resursları, dənizin bioloji resurslarının qorunması, ticarət əməkdaşlığını əhatə edir. Hesab edirəm ki, bütün məsələlər razılaşdırılıb və biz sabah tarixi qərarın qəbul edilməsini gözləyirik. Bu, hər birimiz üçün vacib məqamdır", - o bildirib.