Ermənistanda korrupsiya cinayətlərində böyük artım var

Bakı. 13 dekabr. REPORT.AZ/ Bu ilin 10 ayı ərzində Ermənistanda qeydə alınan iqtisadi və korrupsiya cinayətlərinin sayında xeyli artım var.

“Report” Ermənistan KİV-inə istinadən xəbər verir ki, ölkənin Milli Statistika Komitəsinin məlumatına görə, sözügedən dövr ərzində iqtisadi fəaliyyətə qarşı cinayətlərin sayı ötən ilin müvafiq dövründəki 453 hala qarşı 483 (6,6 faiz), korrupsiya cinayətlərinin sayı isə 515-dən 1237-dək (2,4 dəfə) artıb.

Ölkədə qeydə alınan cinayətlərin ümumi sayı isə 13,3 faiz artaraq 18208-ə çatıb.