BƏƏ Trampın Xameneiyə məktubunun çatdırılması məsələsində vasitəçi olub

BƏƏ İran və ABŞ arasında ABŞ Prezidenti Donald Trampın ali lider Əli Xameneiyə məktubunun çatdırılması məsələsində vasitəçi olub.

 “Report” TASS-a istinadən xəbər verir ki, bu barədə İran Xarici İşlər Nazirliyinin rəsmi nümayəndəsi İsmail Bəqayi məlumat verib.

Məlumata görə, BƏƏ Prezidentinin diplomatiya məsələləri üzrə müşaviri Ənvər Qarqaş məktubu İran XİN başçısı Abbas Araqçiyə təqdim edəcək.

"Prezidentin diplomatiya məsələləri üzrə müşaviri bu gün günorta xarici işlər naziri Abbas Araqçi ilə görüşəcək, o, İrana Trampdan məktub gətirir", - diplomat sözlərini ISNA agentliyi təqdim edir.

Daha əvvəl D.Tramp Ə.Xameneiyə məktub göndərdiyini bəyan etmişdi.