Sədr “YAŞAT” Fondu ilə bağlı vətəndaşlara müraciət etdi

“YAŞAT” Fonduna daxil olan müraciətlərlə bağlı xüsusi qurum yaradılıb. Həmin qurum vasitəsilə müraciətlər daha tez və detallı şəkildə araşdırılacaq”.

“Report” xəbər verir ki, bunu Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev bu gün keçirilən mətbuat konfransında deyib.

O xatırladıb ki, “YAŞAT” Fondunun saxta sosial şəbəkə hesablarının açılması ilə bağlı hüquq-mühafizə orqanlarına müraciət edilmişdi:

“Artıq həmin şəxslər barəsində müvafiq tədbirlər görülüb. Vətəndaşlarımızdan xahiş edirik ki, əgər elə məlumatlarla rastlaşsalar dərhal bizə məlumat versinlər”.