Əsirlikdən qayıdan hərbçi: "Beynəlxalq təşkilatlara şikayətlərimizi demirdik"

“Bizimlə Beynəlxalq Qırmızı Xaç Komitəsi maraqlanırdı. Biz beynəlxalq təşkilatlara şikayətlərimizi demirdik ki, birdən ermənilər bizə nəsə edərlər”.

“Report” xəbər verir ki, bunu Beynəlxalq Münasibətlərin Təhlili Mərkəzində keçirilən mətbuat konfransında erməni əsirliyində olmuş hərbi qulluqçumuz Ələkbərov Ömər Teymur oğlu deyib.

“Onlar gəlib bizə psixoloji təsirlər də edirdilər. Bir sözlə, sinirlərimizə toxunurdular. Əlimiz-qolumuz bağlı olduğu üçün heç nə edə bilmirdik”, - o bildirib.