Ötən il Naxçıvanın pərakəndə ticarət dövriyyəsi 2 % artıb

2021-ci ildə Naxçıvan Muxtar Respublikasında pərakəndə və əmtəə dövriyyəsi 1 millyard 790 milyon 453,2 min manat təşkil edib.

“Report” bu barədə yerli Dövlət Statistika Komitəsinə istinadən xəbər verir.

Məlumata görə, bu, 2020-ci illə müqayisədə 2,1 % çoxdur.

Qeyd edək ki, 2021-ci ildə Azərbaycanın pərakəndə ticarət şəbəkəsində istehlakçılara 44,2 milyard manatlıq, o cümlədən 24 milyard manatlıq ərzaq məhsulları, içkilər və tütün məmulatları, 20,2 milyard manatlıq qeyri-ərzaq malları satılıb. 2020-ci illə müqayisədə pərakəndə ticarət dövriyyəsi real ifadədə 3,2 %, o cümlədən ərzaq məhsulları, içkilər və tütün məmulatları üzrə 2,5 %, qeyri-ərzaq malları üzrə 3,9 % artıb.