Hərbi liseyin rəisi: "Qarşıda duran əsas hədəflərimiz birdir"

Cəmşid Naxçıvanski adına Hərbi liseyin rəisi, general-mayor Bəkir Orucov liseyin qarşısında duran əsas hədəfləri açıqlayıb.

"Report"un xəbərinə görə, o bildirib ki, liseyin qarşısında duran əsas hədəf orduya savadlı, bacarıqlı, vətənpərvər zabitlər yetişdirməkdir.

"Biz çox çalışırıq ki, gələcək zabitlərimiz, kursantlarımız burada yaxşı təhsil alsınlar, intizamlı olsunlar və biz onları Ali Məktəbə yola salanda orada təhsillərini uğurla davam etdirsinlər. Azərbaycan xalqı üçün, Vətənimiz üçün bacarıqlı zabit kimi yetişsinlər", - general-mayor vurğulayıb.