Qusarda avtomobil qəzasında xəsarət alanların kimliyi məlum olub - YENİLƏNİB 

Qusarda yol-nəqliyyat hadisəsi zamanı xəsarət alan şəxslərin kimliyi məlum olub.

"Report"un Şimal bürosunun məlumatına görə, yaralılar - Qusar rayon sakinləri, 1967-ci il təvəllüdlü Piyalə İmaməddin qızı Məmmədova, 1986-cı il təvəllüdlü Elşad Rahib oğlu Laçınov, 1989-cu il təvəllüdlü Elvin Marif oğlu Heybetov, 1990-cı il təvəlludlü Elvira Rafik qızı Əmiraslanova, 1992-ci il təvəllüdlü Murda Namid oğlu Məmmədov və 2005-ci il təvəllüdlü Naira Yaşar qızı Paşayevadır.

Xəsarət alanların hamısı Qusar Rayon Mərkəzi Xəstəxanasına çatdırılıblar.

Faktla bağlı araşdırma aparılır.

17:28

Qusarın Köhnə Xudat kəndinin ərazisindən keçən hissəsində yol-nəqliyyat hadisəsi baş verib.

"Report"un Şimal bürosu xəbər verir ki, “VAZ-2107” markalı minik avtomobili ilə “Mercedes” markalı mikroavtobus toqquşub.

Nəticədə 6 nəfər müxtəlif dərəcəli bədən xəsarətləri alıblar.

Hələlik yaralıların kimliyi dəqiqləşdirilir.

İlkin məlumata görə, hadisəyə səbəb minik avtomobilinin ötmə əməliyyatı etməsi olub.

Hadisənin təfərruatı araşdırılır.