Bakı sakini Hacıqabulda qəzaya düşüb, vəziyyəti ağırdır

Kürdəmir. 9 noyabr. REPORT.AZ/ Hacıqabul rayonunda "NAZ-Lifan" markalı avtomobil "KamAZ" markalı yük maşını ilə toqquşub. "Report"un Aran bürosunun məlumatına görə, hadisə Bakı-Qazax magistralının Hacıqabul rayonunun Padarçöl adlanan ərazisində baş verib.

Bakı şəhər sakini 31 yaşlı Vahid Valeh oğlu Əhmədov idarə etdiyi "NAZ-lifan" markalı avtomobillə hərəkətdə olan zaman idarəetməni itirib və  Balakən rayonu Qazma kənd sakini , 1972-ci il təvəllüdlü Şahin Ziyadxan oğlu İbrahimovun idarə etdiyi "KamAZ" markalı yük maşını ilə toqquşub.

Hadisə zamanı ağır bədən xəsarətləri alan "NAZ-Lifan"-nın sürücüsü V.Əhmədov Kürdəmir Mərkəzi Rayon Xəstəxanasına (MRX) yerləşdirilib. Xəstəxanadan verilən məlumata görə, yaralı Travmatologiya şöbəsinə yerləşdirilib, vəziyyəti ağırdır.

Faktla bağlı araşdırmalara başlanılıb.