Bakı və Düşənbə 2027–2028-ci illər üçün ekoloji əməkdaşlıq proqramı hazırlayacaq

Ekologiya
  • 17 noyabr, 2026
  • 14:24
Bakı və Düşənbə 2027–2028-ci illər üçün ekoloji əməkdaşlıq proqramı hazırlayacaq

Tacikistan və Azərbaycan ətraf mühitin mühafizəsi sahəsində əməkdaşlığı genişləndirmək, o cümlədən 2027–2028-ci illər üçün birgə proqram hazırlamaq niyyətindədir.

"Report" Tacikistan Hökuməti yanında Ətraf Mühitin Mühafizəsi Komitəsinə istinadən xəbər verir ki, bu məsələ komitə sədri Bahodur Şeralizoda ilə Azərbaycanın ekologiya naziri Rəşad İsmayılov arasında Antalyada keçirilən COP31 çərçivəsində baş tutan görüşdə müzakirə edilib.

Görüş zamanı tərəflər iqlim dəyişikliyi ilə mübarizə, biomüxtəlifliyin və təbii ekosistemlərin qorunması sahəsində qarşılıqlı fəaliyyət perspektivlərini müzakirə ediblər. Ekspertlər arasında təcrübə mübadiləsini, birgə tədbirlərin keçirilməsini və təbiəti mühafizə təşəbbüslərinin həyata keçirilməsini nəzərdə tutan 2027-2028-ci illər üçün birgə ekoloji əməkdaşlıq proqramının işlənib hazırlanmasına xüsusi diqqət yetirilib.

Xəbər yenilənir