Serbiyada koronavirus qurbanlarının sayı 100-ə çatır

Serbiyada koronavirusdan ölənləri sayı 99-a çatıb.

“Report” xəbər verir ki, bunu ölkənin Səhiyyə Nazirliyi açıqlayıb.

Bildirilir ki, ölkədə indiyədək qeydə alınmış yoluxma hallarının sayı 4 873-dür.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 2 024 000-i ötüb. Bunların 492 482 nəfəri sağalıb, 128 965 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.