İsrail Ordusu Qəzzadan bir gündə ikinci hücumu qeydə alıb

İsrail hərbçiləri Qəzza zolağından ölkənin cənub ərazilərinin yeni atəşə tutulmasını qeydə alıblar.

“Report” xəbər verir ki, bu barədə İsrail Ordsunun Mətbuat xidməti məlumat yayıb.

Məlumata görə, bir raket anklavdan buraxılıb. Sektorla həmsərhəd olan bir sıra bölgələrdə bu səbəbdən hava hücumu xəbərdarlığı elan edilib. Mərmi İsrail Hərbi Hava Qüvvələri tərəfindən vurulub.

Tələfat və dağıntılar barədə məlumat yoxdur.

Bu, İsrail Ordusunun bir gündə Qəzzadan atəşə tutulması ilə bağlı ikinci xəbərdir. Günün ortasında oradan İsrailə doğru 3 raket atılıb və onlar da hərbçilər tərəfindən vurulub.