ABŞ sakini törətmədiyi cinayətə görə 20 ilini həbsdə keçirib

ABŞ-da Texas ştatının Cinayət Apellyasiya Məhkəməsi 20 il həbsdə olan amerikalı Kerri Kuku günahsız hesab edib.

“Report” xəbər verir ki, bu barədə CNN məlumat yayıb.

Belə ki, kişi 1977-ci ildə 21 yaşlı qonşusu Linda Edvardsı zorlamaqda və öldürməkdə təqsirli bilinib. 1979-cu ildə o, ölüm cəzasına məhkum edilmiş, lakin sonradan hökm ləğv edilmişdir. 1992-ci ildə münsiflər heyəti yekdil qərara gələ bilməyib.

1994-cü ildə Kerri Kuk yenidən ölüm cəzasına məhkum edilib. 1999-cu ildə amerikalı istintaqla sövdələşib və həbsdə keçirdiyi 20 ili nəzərə alaraq sərbəst buraxılıb.

Bu həftə Texas məhkəməsi sübutların yanlış təfsiri və prokurorların yalan ifadələrinə görə 68 yaşlı Kuku günahsız sayıb.