ABŞ qırıcısı Yaponiya üzərindən uçarkən raketini itirib

ABŞ Hərbi Hava Qüvvələrinə məxsus "F-16" qırıcısı Yaponiyanın Aomori prefekturası üzərindən etdiyi təlim uçuşu zamanı təlim mərmisini itirib.

"Report" RİA "Novosti"yə istinadən xəbər verir ki, bu barədə ABŞ-ın Yaponiyadakı hərbi komandanlığı "Twitter" hesabında məlumat verib.

Yerli KİV-in məlumatına görə, raket təyin olunmuş uçuş bölgəsindən bir neçə kilometr məsafədə yerləşən Rokkase kəndindəki özəl sektor ərazisinə düşüb.

Xəsarət alanalar və dəymiş ziyan barədə hələlik heç bir məlumat yoxdur.