Həsənriz sakini: Doğma kəndimizin yenidən qurulmasına çox sevinirik

İşğaldan azad edildikdən sonra yenidən qurulan Ağdərə rayonunun Həsənriz kəndinə qayıdan sakin buna görə çox sevincli olduqlarını bildirib.

Bu barədə “Report”un Ağdərə rayonuna ezam olunan əməkdaşı ilə söhbətdə Həsənriz kənd sakini Firqə Dadaşova danışıb.

O, kənd camaatının yenidən bir araya gəlməsindən fərəhləndiyini qeyd edib:

“Kəndimizin gözəl havası, təmiz suyu, mehriban insanları var. Uzun illər camaatımız bir-birindən aralı düşmüşdü. Şükürlər olsun ki, artıq elimiz bir yerə cəm olur.

Doğma kəndimizin yenidən qurulmasına çox sevinirik. Axır ki bu dağlarda doğma səslər əks-səda verəcək”.