Səməd Seyidov: AŞPA-nın məqsədi manipulyasiya üçün ümumi dəyərlərdən istifadə etməkdir

Avropa Şurası Parlament Assambleyası (AŞPA) siyasi struktur kimi öz faydalılığını başa vurub. Bu qurumun yeganə məqsədi manipulyasiya etmək, nəzarət etmək və təkcə ölkələrə deyil, həm də insanların şüuruna nüfuz etmək üçün ümumi dəyərlərdən istifadədir.

"Report"un TASS-a istinadən verdiyi məlumata görə, bu sözləri Azərbaycan Milli Məclisinin Beynəlxalq münasibətlər və parlamentlərarası əlaqələr komitəsinin sədri Səməd Seyidov Rusiya Federasiya Şurasının vitse-spikeri Konstantin Kosaçevlə görüşündə deyib.

“Təəssüf ki, AŞPA ilə əməkdaşlığın acı təcrübəsi - həm sizin, həm də bizim - gizlədilməyən, haqqında danışılmalı, bunun qeyri-səmimi və ikili standartlara malik olduğunu sübut edən həqiqətdir", - S.Seyidov bildirib.