Hulusi Akar: "Cənubi Qafqazda sülhün bərpasına və sabitliyə böyük əhəmiyyət veririk"

“Biz təkcə öz təhlükəsizliyimiz üçün deyil, dost və qardaş ölkələrin sülh, əmin-amanlığı və təhlükəsizliyi üçün də mübarizə aparırıq”.

“Report” xəbər verir ki, bunu Türkiyənin milli müdafiə naziri Hulusi Akar bildirib.

“Qafqazda təhlükəsizliyə böyük önəm veririk. Bu bölgədə də sülhün bərpası və sabitliyə böyük əhəmiyyət veririk. Can qardaşımız Azərbaycan 30 il ərzində işğal altında olan öz torpaqlarını 44 günlük müharibə zamanı azad etdi. Türkiyə bundan sonra da “Tək millət, iki dövlət” anlayışı ilə azərbaycanlı qardaşlarının yanında olmağa davam edəcək”, - o vurğulayıb.