Səfir: "Cənubi Koreya ilə Azərbaycanın turizmdəki əməkdaşlığı bərpa olunmalıdır"

"Mövcud koronavirus pandemiyası Azərbaycan ilə Koreya Respublikası arasında turizm sahəsindəki əməkdaşlığa xeyli təsir göstərib".

Bunu “Report”a müsahibəsində Koreya Respublikasının Azərbaycandakı səfiri Kim Tonq Op bildirib.

Diplomat deyib ki, 2019-cu ildə Azərbaycana səfər etmiş cənubi koreyalı turistlərin sayı 9 minə çatırdı, 2020-ci ildə bunun 10 minə çatacağını gözləyirdik: "Amma koronavirus pandemiyası üzündən rəqəmlər azaldı. Pandemiya başa çatandan sonra əməkdaşlıq bərpa edilməlidir. Sürətlə dirçələcək sektorlar arasında turizm öndə olmalıdır".