Dövlət Reklam Agentliyinin bir yaşı tamam olur

Bakı. 20 iyun. REPORT.AZ/ Azərbaycan Respublikası Dövlət Reklam Agentliyinin (ADRA) yaranmasından bir il ötür. 

"Report"un məlumatına görə, ADRA açıq məkanda reklam daşıyıcılarının yerləşdirilməsi, reklam daşıyıcılarının üzərində yerləşdirilən reklamların istehsalı (hazırlanması) və yayımlanması sahəsində vahid tənzimləməni və nəzarəti həyata keçirir. 

Agentlik yarandığı bir il ərzində açıq məkanda reklam yerləşdirmək istəyən sahibkarların inzibati yükünü, xərclərini azaltmaq, şəffaf tənzimləməni həyata keçirmək, bir sözlə, vətəndaş məmnunluğunu təmin etmək istiqamətində bir sıra addımlar atıb.

Xatırladaq ki, ADRA Prezident İlham Əliyevin 2017-ci il iyunun 20-də imzaladığı fərmanla yaradılıb.