Azərbaycan Suriyaya ərzaq və dərman yardımı edib

Bakı. 4 fevral. REPORT.AZ/ Azərbaycan ötən il Suriyaya ərzaq, dərman və digər zəruri əşyalar qismində yardım göndərib.

“Report” xəbər verir ki, bu barədə Rusiya Silahlı Qüvvələri Baş Qərargahının rəisi Valeri Gerasimov qurumun akademiyasında “Ordu və cəmiyyət” mövzusunda keçirilən kurslar çərçivəsində zabit, məmur və ekspertlər qarşısında mühazirə ilə çıxış edərkən məlumat verib.

“2016-cı ilin fevralında yaradılmış Düşmən Tərəflərin Barışdırılması üzrə Mərkəz bir ildən az müddət ərzində təkcə Rusiya deyil, həmçinin Azərbaycan, Belarus, Serbiya və Qazaxıstan tərəfindən Suriyaya göndərilmiş 1000 tondan çox ərzaq, dərman və digər zəruri əşyaları yerli əhali arasında paylaşdırıb”, - deyə Gerasimov bildirib.