Azərbaycan mebel ixracını azaldıb, idxalını isə artırıb

Bu ilin yanvar ayında Azərbaycan xarici ölkələrə 309,16 min ABŞ dolları dəyərində mebel (yataq ləvazimatları, döşəklər, döşək əsasları, divan yastıqları və analoji doldurulma mebel ləvazimatları; lampalar və işıqlandırıcı avadanlıqlar; işıq tablo və lövhələri, analoji məmulatlar; yığma tikinti konstruksiyaları) ixrac edib.

"Report" Dövlət Gömrük Komitəsinə istinadən xəbər verir ki, bu, 2022-ci ilin müvafiq dövrü ilə müqayisədə 1,6 dəfə azdır.

Hesabat dövründə mebel ixracının ümumi ixracda payı 0,02 % təşkil edib.

Ötən ay ölkənin mebel idxalı isə 16 milyon 862,61 min ABŞ dolları dəyərində olub ki, bu da 2022-ci ilin yanvar ayı ilə müqayisədə 18,66 % çoxdur. Mebel idxalının ölkənin ümumi idxalında payı isə 1,19 % olub.