Azərbaycan karbamid istehsalını 31 %-dək azaldıb

Bu ilin yanvar-fevral ayları ərzində Azərbaycanda 65,4 min ton həcmində karbamid istehsal olunub.

“Report”un Dövlət Statistika Komitəsinə istinadən verdiyi xəbərə görə, bu, 2022-ci ilin ilk iki ayı ilə müqayisədə 30,9 % azdır.

Bu ilin martın 1-nə 37,9 min ton hazır məhsul istehsalı yaranıb.

Xatırladaq ki, karbamid (azot gübrəsi) Sumqayıt Kimya Sənaye Parkının ərazisindəki “SOCAR Karbamid” zavodunda istehsal edilir. Zavod 2019-cu il yanvarın 16-da istifadəyə verilib, il ərzində 435 milyon kubmetr təbii qazdan xammal kimi istifadə etməklə 650-660 min ton karbamid istehsal etmək gücündədir. İstehsal həcminin 70 %-i ixrac üçün nəzərdə tutulub.