Yay fəsli daxil olandan Cəlilabadda 15 nəfəri gün vurub

Yay fəsli daxil olandan 15 nəfər günvurma ilə bağlı Cəlilabad Rayon Mərkəzi Xəstəxanasına müraciət edib.

Bu barədə "Report"un yerli bürosuna xəstəxanadan məlumat verilib.

Qeyd edilib ki, onlardan 10-u kişi, 5-i qadın olub və xəstələrə lazımi tibbi yardım göstərilib.

Həmçinin 4 nəfər əqrəb sancması və 5 nəfər isə ilan sancması ilə xəstəxanaya müraciət ediblər.

Qeyd edək ki, sakinlərə günəş şüasının intensiv vaxtlarında, yəni 14:00-dan 16:00-dək gün altına çıxmamaları, yüngül geyimlərdən istifadə etmələri, bol meyvə tərəvəzlər, sərin şirələr və maye qəbul etmələri tövsiyə edilir.