Bayram günlərində Kliniki Tibbi Mərkəzə 12 nəfər sərxoş gətirilib

Bakı. 5 yanvar. REPORT.AZ/ “Bayram günlərində (dekabrın 31-dən yanvarın 5-dək) Kliniki Tibbi Mərkəzin Toksikologiya şöbəsinə dəm qazından zəhərlənmə ilə bağlı 17 müraciət daxil olub”.

Bu barədə “Report”a Mərkəzin Toksikologiya şöbəsinin müdiri Azər Maqsudov bildirib.

Onun sözlərinə görə, müraciət edən şəxslərdən 8-i xəstəxanaya qəbul olunub: “Onlardan ikisi uşaq olub. Müraciət edənlər arasında ölüm faktı qeydə alınmayıb. Yerdə qalan xəstələr isə müayinə olunduqdan sonra evə buraxılıb”.

Şöbə müdiri qeyd edib ki, Mərkəzə 12 nəfər sərxoş adam gətirilib: “Onlar da müayinələrdən sonra evə buraxılıb. Sirkə turşusundan zəhərlənmə ilə bağlı 1 nəfər müraciət edib”.