Türkiyədə pandemiya qurbanlarının sayı 5 800-ü ötdü

Son gün ərzində Türkiyədə koronavirusdan daha 15 nəfər ölüb.

“Report” xəbər verir ki, bu barədə Səhiyyə naziri Fahrettin Koca bildirib.

Nazirin məlumatına görə, bununla da ölkədə pandemiya qurbanlarının ümumi sayı 5 813 nəfərə çatıb.

Fahrettin Koca qeyd edib ki, son sutkada COVID-19-a 1 185 yoluxma aşkarlanıb. Beləliklə, Türkiyədə koronavirusa yoluxma hallarının sayı 238 450-yə yüksəlib.

Eyni zamanda son sutkada virusa yoluxmuş 1 028 pasiyent sağalıb. Hazırda Türkiyədə koronavirusdan sağalanlarlın sayı 221 574 nəfər təşkil edir.