Samsunda ağır yol qəzası olub, 5 nəfər ölüb

Türkiyənin şimalında iki avtomobilin iştirakı ilə baş vermiş yol-nəqliyyat hadisəsində beş nəfər ölüb.

“Report” xəbər verir ki, bu barədə İHA məlumat yayıb.

“Samsunda iki avtomobilin toqquşduğu dəhşətli qəzada 5 nəfər həyatını itirib”, – məlumatda bildirilib. Qəzanın yerli vaxtla aprelin 5-də 23:00-da (Bakı vaxtı ilə 00:00 – red.) şəhərin Çarşamba rayonunda baş verdiyi qeyd olunub.

“Samsundan Ordu [şəhəri] istiqamətində gedən <...> avtomobil sürücünün idarəetməsini itirməsi nəticəsində qarşı zolağa keçərək <...> avtomobillə toqquşub”, – agentlik nəql edib.