Paşinyanın həyat yoldaşı bu dəfə Amerikaya gedib

Ermənistanın baş naziri Nikol Paşinyanın arvadı Anna Akopyan Amerika Birləşmiş Ştatlarına gedib.

“Report”un məlumatına görə, bu barədə “Hraparak.am” nəşri xəbər yayıb.

Qeyd olunub ki, onun olduğu təyyarə bu gecə, yerli vaxtla 02: 50-də Yerevandan havaya qalxıb və təxminən 12 saatdan sonra Los-Angeles hava limanına enib.

Xatırladaq ki, bundan əvvəl Ermənistanın baş naziri Nikol Paşinyanın arvadı Anna Akopyan və qızları Moskvaya getmişdi. Bildirilib ki, onlar 10 silahlı mühafizəçinin müşayiəti ilə Rusiya vətəndaşlığını almaq üçün bu ölkəyə səfər ediblər.