ABŞ dövlət katibi: "Rusiya məktəb və xəstəxanalara zərbə endirir"

ABŞ dövlət katibi Entoni Blinken BMT-nin İnsan Haqları Şurasına Rusiyanın Ukraynadakı hücumlarının hər saat artdığını və zərbələrin xəstəxanalara, məktəblərə və yaşayış binalarına endirildiyini bildirib.

“Report” xəbər verir ki, bu barədə “Reuters” məlumat yayıb.

“Biz qətiyyətli və vahid mesaj verməliyik ki, prezident Vladimir Putin qeyd-şərtsiz buna son qoymalıdır”, - dövlət katibi vurğulayıb.

E.Blinken həmçinin Çinin Sincanda müsəlman uyğurlara qarşı soyqırımı və insanlığa qarşı cinayətlər törətməkdə davam etdiyini deyib və BMT-nin insan haqları üzrə rəhbəri Mişel Baçeleti vəziyyətlə bağlı dəlillərlə ofisinin hesabatını dərc etməyə çağırıb.