Aqil Abbas: "Elman Nəsirov deyir filan yerə 2 milyard artıraq. Hardan artıraq?"

“Bizim deputatlar, xüsusən də Elman Nəsirov deyir ki, filan yerə 2 milyard artırın, filan yerə 3 milyard artırın. Dövlət müharibədən çıxıb. Hər birimiz də nəsə tələb edirik”.

“Report” xəbər verir ki, bunu parlamentin bu gün keçirilən plenar iclasında Milli Məclisin deputatı Aqil Abbas deyib.

“Deputat yoldaşlarımdan xahiş edirəm ki, haradan artırsınlar? Onun yerini desinlər də. Bəlkə hökumətin xəbəri yoxdur. Bəlkə siz bunun yerini bilirsiniz? Xaricdən borcmu alaq?”, - deputat bildirib.