Xaricilərin Azərbaycanda bank kartları ilə xərcləmələri 66% azalıb

2020-ci ildə xarici vətəndaşlar Azərbaycanda bank kartları ilə 430,2 milyon manatlıq əməliyyat aparıb.

"Report" bu barədə İqtisadi İslahatların Təhlili və Kommunikasiya Mərkəzinin açıqladığı "İxrac icmalı"nın yanvar sayına istinadən xəbər verir.

Məlumata görə, bu, 2019-cu illə müqayisədə 826,6 milyon manat və yaxud 65,8% azdır.

Ötən ilin dekabr ayında isə xaricilərin Azərbaycanda bank kartları ilə xərcləmələri 27,9 milyon manat təşkil edib. Bu isə əvvəlki ilin eyni dövrünə nisbətən 64,8 milyon manat və yaxud 69,9% azdır.