"TCF" BOKT-un xalis mənfəəti 67 % azalıb

"TCF" ASC bank olmayan kredit təşkilatı (BOKT) 2022-ci ili 270 min manat xalis mənfəətlə başa vurub.

"Report" BOKT-un maliyyə hesabatına istinadən xəbər verir ki, bu, 2021-ci illə müqayisədə 67 % azdır.

Ötən il "TCF"nin vergiyəqədərki mənfəəti 504 min manat (əvvəlki ilə nisbətən 45 % az), mənfəət vergisi ödəmələri isə 234 min manat (2,4 dəfə çox) təşkil edib.

Bu il yanvarın 1-nə "TCF"in aktivləri 16,665 milyon manat olub ki, bu da illik müqayisədə 0,2 % azdır. Bunun 12,426 milyon manatı müştərilərə verilmiş kreditlərdir. 2022-ci ildə BOKT-un kredit portfeli 4,4 % kiçilib.

Hesabat dövründə "TCF"in öhdəlikləri 1,9 % azalaraq 15,414 milyon manata düşüb, balans kapitalı isə 27,5 % artaraq 1,251 milyon manata çatıb.

Xatırladaq ki,"TCF" 2010-cu ildə yaradılıb. Onun nizamnamə kapitalı 450 min manatdır. BOKT-un səhmdarı 100% "Baku Electronics" MMC-dir.