“Finex Kredit” BOKT-un səhmdarlarından biri payını satıb

“Finex Kredit” ASC bank olmayan kredit təşkilatının (BOKT) adi səhmlərinin 6,75%-nə nəzarət edən Tahir Namazov payını satıb.

“Report” bu barədə qurumun maliyyə hesabatına istinadən xəbər verir.

Sənədə əsasən, onun payını Rövşən Məmmədov alıb.

BOKT-un adi səhmlərinin qalan hissəsi əvvəlki qaydada Şəlalə Tağıyevaya (18,95%), Ramina Allahverdiyevaya (18,25%), Azad Cəbrayılova (15,63%), Mobil Şərifova (14,83%), Tokay Şıxəlizadəyə (14,08%), Tofiq Cəfərova (4,63%), Azər Hacıyevə (3,25%), Gülnarə Tağıyevaya (2,03%) və Sevil Hidayətovaya (1,63%) məxsusdur.

Xatırladaq ki, “Finex Kredit” 2013-cü ildə yaradılıb. Onun nizamnamə kapitalı 800 min manatdır.

BOKT-un əlavə olaraq 200 min manatlıq imtiyazlı səhmləri də var. Onlar isə İlahə Zeynalovaya məxsusdur.