Əksər fond indeksləri azalıb

Bakı. 29 dekabr. REPORT.AZ/ Dekabrın 28-də Amerika fond bazarında Dow Jones indeksi 0,14% ucuzlaşaraq 17 528,27 bənd, S&P 500 0,22% geriləyərək 2 056,50 bənd, Nasdaq isə 0,15% azalaraq 5 040,49 bənd təşkil edib.

"Report" xəbər verir ki, Avropa fond bazarlarında FTSE 100 indeksi 0,22% bahalaşaraq 6 254,64 bənd, Fransa CAC-40-ı 0,97% azalaraq 4 617,95 bənd, təşkil edib. Almaniya DAX-ı isə 0,69% geriləyərək isə 10 653,91 bənd olub.

Bu gün səhər COMEX-də qızılın bir unsiyasının qiyməti 0,25% bahalaşaraq 1 071,00 dollar olub. Dünya bazarında avronun dollara qarşı məzənnəsi isə 1,0974 (+0,05%) təşkil edib.