Dövlət borcu və zəmanəti üzrə öhdəliklərin Təminat Fondunun vəsaitinin qalığı 3 dəfə artıb

Bu il oktyabrın 1-nə Dövlət borcu və zəmanəti üzrə öhdəliklərin Təminat Fondunun vəsaitinin qalığı 469,3 milyon manat təşkil edib ki, bu da yanvarın 1-i ilə müqayisədə 2,9 dəfə çoxdur.

"Report" xəbər verir ki, bu, 2027-ci ilin büdcə zərfinin layihəsində öz əksini tapıb.

Sənəd Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirə edilir.

Büdcə zərfinə əsasən, qalıq 452,3 milyon manatdan və 10 milyon ABŞ dollarından (17 milyon manat) ibarət olub.