“AzNar” səhmdarlarına dividend ödəyəcək

Mayın 27-də, saat 15:00-da Teymur Əhmədov adına “AzNar” QSC-nin səhmdarlarının növbəti ümumi yığıncağı keçiriləcək.

“Report” xəbər verir ki, yığıncaq səhmdar cəmiyyətinin yerləşdiyi Göyçay şəhəri, Natəvan küçəsi, 120 ünvanında olacaq.

Yığıncağın gündəliyinə şirkətin 2021-ci il üçün maliyyə hesabatlarının təsdiq edilməsi, səhmdarlara dividend ödənilməsi, QSC-nin nizamnaməsinin yeni redaksiyada təsdiq olunması, cəmiyyətin restrukturizasiyası və yeni təsərrüfar subyektlərinin yaradılması ilə bağlı təşkilati-hüquqi məsələlərin müzakirə edilməsi daxildir.

Xatırladaq ki, "AzNar"2006-cı ildə yaradılıb. Onun nizamnamə kapitalı 30 milyon manatdan bir qədər çoxdur. Müəssisənin əsas səhmdarı Azərbaycan əsilli Rusiyalı iş adamı Fərhad Əhmədovdur.