Mikayıl Cabbarov: "Azərbaycanın strateji valyuta ehtiyatları ÜDM-in həcminin 90%-dən çoxdur"

"Ötən il Azərbaycanda iqtisadi artım tempi 2,2%, qeyri-neft sektorunda artım tempi isə 2 dəfəyə qədər yüksələrək 3,5%-ə çatıb. Strateji valyuta ehtiyatlarımız 52 mlrd ABŞ dollarına çatıb ki, bu da ÜDM-in həcminin 90%-dən çox deməkdir".

"Report" xəbər verir ki, bunu "Vergi islahatları: Birlikdə kölgədən işıqlığa doğru" adlı konfransda çıxış edən İqtisadiyyat naziri Mikayıl Cabbarov deyib.

M.Cabbarovun sözlərinə görə, qeyri-neft ixracı 14% artaraq 2 mlrd dollara çatıb: "İnflyasiya 2,6% olub, əhalinin pul gəlirləri isə inflyasiyanı 2,8 dəfə üstələyib".