Azərbaycan manatının effektiv məzənnələri azalıb

Bu ilin sentyabr ayının 1-nə Azərbaycan manatının xarici valyutalara nisbətən nominal effektiv məzənnəsi 76 bənd təşkil edib.

“Report” Azərbaycan Mərkəzi Bankına istinadən xəbər verir ki, bu, aylıq müqayisədə 0,2 bənd az, ötən ilin eyni dövrü ilə müqayisədə 2,4 bənd çox, ilin əvvəli ilə müqayisədə 2,6 bənd çoxdur.

Bu ilin sentyabr ayının 1-nə manatın real effektiv məzənnəsi isə 101,6 bənd təşkil edib. Bu isə aylıq müqayisədə 0,6 bənd az, ilin əvvəli ilə müqayisədə 2,6 bənd çox, illik müqayisədə isə 2,7 bənd çoxdur.