Avrozonada ümumi dövlət borcu ilk dəfə ÜDM-in dəyərini üstələyəcək

Bu il avrodan vahid valyuta kimi istifadə edən 19 ölkənin (avrozona) ümumi dövlət borcu ilk dəfə ümumi daxili məhsulun (ÜDM) dəyərini üstələyəcək.

“Report” xarici mətbuata istinadən xəbər verir ki, bu proqnozla Avropa Komissiyası çıxış edib.

Məlumata görə, borcun ÜDM-ə nisbətinin koronavirus (COVID-19) pandemiyasının təsiri ilə 101,7%-nə çatması gözlənilir. Yaxın 2 ildə isə bu nisbət 100%-dən aşağı olmayacaq.

Hazırda avrozona ölkələri arasında dövlət borcunun ÜDM-ə nisbətinin ən yüksək olduğu ölkə Yunanıstandır - 207,1%.