AMB: "I rübdə istehlak və ipoteka kreditlərinə tələb yüksəlib"

Bu ilin I rübündə Azərbaycanda istehlak və ipoteka kreditlərinə tələb yüksəlib.

“Report” xəbər verir ki, bu barədə Azərbaycan Mərkəzi Bankının (AMB) keçirdiyi kreditləşmə fəaliyyətinə dair sorğunun nəticələrində bildirilir.

Tələbin artımının əsas drayverləri daşınmaz əmlak bazarı ilə bağlı gözləntilər, faiz dərəcələri, habelə, rəqəmsallaşma olub. I rübdə əhalinin borclanmasının banklar tərəfindən qiymətləndirilməsinə əsasən əhalinin borclanma səviyyəsində artım müşahidə edilib. Belə ki, sorğuya əsasən 42 % bank əhalinin borclanmasında dəyişiklik olmadığını qeyd etsə də, 54 % bank əhalinin borclanma səviyyəsinin orta dərəcədə artdığını, 4 % bank isə orta dərəcədə azalma olduğunu bildirib.