Həsrət Cəfərov: "Yarışlarda bir səhv bağışlanmır"

Səhvlər üzərində işləmək lazımıdır.

"Report" xəbər verir ki, bunu Xorvatiyanın paytaxtı Zaqrebdə keçirilən dünya çempionatında ikinci olan yunan-Roma güləşçisi Həsrət Cəfərov deyib.

İdmançı Xorvatiyadakı mundialda çempion ola bilməməsinə görə təəssüfləndiyini bildirib:

"Səhvlər bitmir, onların üzərində mütəmadi işləmək lazımdır. Gərək Avropa və dünya çempionatında uğur əldə etmək üçün bütün xırdalıqları işləyəsən, səhvsiz olasan. Çünki bu cür yarışlarda bir səhv bağışlanmır".

Qeyd edək ki, yığma hesabında 89 xalla ikinci yeri tutub. Güləşçilər mundialda 1 qızıl, 1 gümüş və 2 bürünc medal qazanıblar. Ülvi Qənizadə (72 kq) qızıl, Həsrət Cəfərov (67 kq) gümüş, Eldəniz Əzizli (55 kq) və Murad Əhmədiyev isə (92 kq) bürünc medala sahib çıxıblar.